وزارتِ انفارمیشن ٹیکنالوجی و ٹیلی کمیونیکیشن (MOITT) نے پاکستان ٹیلی کمیونیکیشنز (ری آرگنائزیشن) ترمیمی بل 2026 کو سینیٹ سے واپس لینے کا عمل شروع کردیا ہے، کیونکہ بل کے لیے مقررہ 90 روزہ مدت مکمل ہونے کے قریب ہے۔
مقررہ مدت ختم ہونے کے بعد بل پارلیمنٹ کے مشترکہ اجلاس میں پیش کیا جائے گا، تاہم اس اجلاس کا فوری طور پر منعقد ہونا ممکن دکھائی نہیں دیتا۔
قانون سازی کے عمل میں تاخیر سے بچنے اور اسے تیز کرنے کے لیے وزارت نے فیصلہ کیا ہے کہ نیا بل متعارف کرایا جائے گا۔
وزارت کے مطابق اس اقدام کا مقصد قانون سازی کے عمل کو بروقت اور مؤثر انداز میں آگے بڑھانا ہے، جبکہ مجوزہ قانون سازی کے بنیادی نکات اور مقصد کو برقرار رکھا جائے گا۔
