اسلام آباد: وفاقی حکومت نے پیٹرول اور ہائی اسپیڈ ڈیزل کی قیمتوں میں ایک بار پھر اضافہ کر دیا ہے۔ نئی قیمتوں کا اطلاق منگل، 27 اکتوبر سے ہوگا۔
پیٹرولیم ڈویژن کی جانب سے پیر کو جاری کردہ نوٹیفکیشن کے مطابق پیٹرول کی قیمت میں ایک روپے 54 پیسے فی لیٹر اضافہ کیا گیا ہے، جس کے بعد اس کی نئی قیمت 377 روپے 71 پیسے سے بڑھ کر 379 روپے 25 پیسے فی لیٹر ہو گئی ہے۔
ہائی اسپیڈ ڈیزل کی قیمت میں دو روپے 16 پیسے اضافہ کیا گیا ہے، جس کے بعد نئی قیمت 393 روپے 66 پیسے سے بڑھ کر 395 روپے 82 پیسے فی لیٹر مقرر کی گئی ہے۔
اس طریقہ کار کے تحت اوگرا(OGRA) ہر مرتبہ وزیرِ اعظم یا وفاقی حکومت سے الگ منظوری لیے بغیر روزانہ کی بنیاد پر قیمتوں کا اعلان کر سکے گی۔
قیمتوں میں حالیہ اضافے کے ساتھ ملک میں ایندھن کی دستیابی کے حوالے سے بھی خدشات سامنے آئے ہیں۔
جمعے کو پاکستان پیٹرولیم ڈیلرز ایسوسی ایشن نے شہریوں سے اپیل کی تھی کہ وہ ضرورت سے زیادہ پیٹرول خریدنے سے گریز کریں، کیونکہ اس سے مارکیٹ میں غیر ضروری دباؤ پیدا ہو سکتا ہے۔
سینیٹ میں پیپلز پارٹی کی رہنما شیری رحمٰن نے دسمبر میں پیٹرول کی دستیابی سے متعلق سوالات اٹھائے، جبکہ قائدِ حزبِ اختلاف راجہ ناصر عباس نے مشرقِ وسطیٰ میں بڑھتی ہوئی کشیدگی کے ممکنہ اثرات پر تشویش ظاہر کی۔
تاہم وزیرِ مملکت برائے خزانہ بلال اظہر کیانی نے مؤقف اختیار کیا کہ ملک میں فی الحال ایندھن کی فراہمی کا کوئی مسئلہ نہیں ہے۔
حکومت نے ایندھن کی بچت کے لیے متعدد اقدامات بھی متعارف کرائے ہیں، جن میں بازار رات نو بجے بند کرنے اور سرکاری گاڑیوں کے لیے ایندھن کی مختص مقدار میں تین ماہ کے لیے 50 فیصد کمی شامل ہے۔
