محکمہ اطلاعات و ثقافت کے زیرِ اہتمام کام کرنے والی پنجاب کونسل آف دی آرٹس (پیوکار) نے لاہور اور گوجرانوالہ میں خاتون اسٹیج اداکاراؤں اور کمرشل تھیٹر انتظامیہ کے خلاف باضابطہ انتظامی کارروائی کا آغاز کر دیا ہے۔ پیوکار کے ایگزیکٹو ڈائریکٹر محبوب عالم کی ہدایات پر شروع کی جانے والی اس سداِ باب کارروائی کا فیصلہ مانیٹرنگ رپورٹس کی روشنی میں کیا گیا، جن میں سرکاری پالیسیوں، معیاری طریقہ کار (ایس او پیز) اور پنجاب ڈرامہ ایکٹ کی خلاف ورزیوں کی نشاندہی کی گئی تھی۔

سرکاری نوٹسز کے تحت اداکاراؤں سونیا لال، ندا چوہدری، خوشبو خان اور فضا آنند کو مبینہ فحش رقص، ڈرامے میں شائقین کی شمولیت اور اسٹیج پر پیسے نچھاور کرنے کی اجازت دینے کے الزامات پر شوکاز نوٹس جاری کیے گئے ہیں۔ اس کے علاوہ گوجرانوالہ کے کیپری تھیٹر، جبکہ لاہور کے پنجابی تھیٹر اور ستارہ تھیٹر کی انتظامیہ کو مقررہ وقت سے تجاوز کرنے، غیر قانونی رقم کی وصولی کو نہ روکنے اور شو کے دوران لائو مانیٹرنگ والے سی سی ٹی وی کیمرے قصداً بند کرنے پر نوٹسز دیے گئے ہیں۔ متعلقہ افراد اور تھیٹر انتظامیہ کی ذاتی سماعت 16 ستمبر 2026 کو آرٹس کونسل کے سامنے مقرر کی گئی ہے۔